Хакейны “Нёман” трэці раз запар выйграў з буйным лікам
Усе тры перамогі гарадзенцы атрымалі на сваёй пляцоўцы. Спачатку быў разгромлены “Магілёў” (7-1).
26 лістапада хлопцы Дзмітрыя Краўчанкі разнеслі ўшчэнт абарону наваполацкага “Хіміка-СКА” (10-2).
>
На гэтым фоне ўчарайшняя параза “Віцебска” з лікам “усяго” 2-5 не падаецца ўжо такой разгромнай.
Серыя ўдалых гульняў супраць каманд з ніжэйшай часткі турнірнай табліцы яшчэ больш умацавала пазіцыі гарадзенцаў у турнірнай табліцы.
| 1 | Гомель | 27 | 64 |
| 2 | Металург | 25 | 64 |
| 3 | Нёман | 26 | 62 |
| 4 | Юнацтва | 27 | 46 |
| 5 | Шахцёр | 26 | 43 |
| 6 | Ліда | 26 | 35 |
| 7 | Магілёў | 24 | 25 |
| 8 | Ліепаяc Металургc | 23 | 24 |
| 9 | Хімік-СКА | 26 | 23 |
| 10 | Брэст | 24 | 19 |
| 11 | Віцебск | 28 | 18 |
У першым слупку пасля назвы каманд пазначана колькасць згуляных гульняў, а ў другім – набраных у іх ачкоў.
Удала ў апошнім туры Адкрытага чэмпіянату краіны згуляла і “Ліда”. Саступаючы 28 лістапада па ходу гульні “Брэсту” 1-3, лідскія хакеісты атрымалі валявую перамогу 4-3.
Фота Яраслава Ванюкевіча