У Гродзенскай вобласці расце колькасць дзяцей, якія патрабуюць абароны дзяржавы

У Гродзенскай вобласці расце колькасць дзяцей, якія патрабуюць абароны дзяржавы

Пра гэта паведаміў намеснік начальніка галоўнага упраўлення юстыцыі Гродзенскага аблвыканкама Віктар Вішнеўскі.

На 1 снежня ў Гродзенскай вобласці ў сацыяльна небяспечным становішчы знаходзіліся 3159 дзяцей з 1801 сям’і.

446 дзецям была неабходна абарона дзяржавы.

У прытулках пражывалі 238 дзяцей.

За 9 месяцаў у сям’ю вернута 401 дзіця, 330 бацькоў пазбаўлены бацькоўскіх правоў.

За пяць гадоў нядбалыя бацькі ў Гродзенскай вобласці выплацілі дзяржаве больш за 21 мільярд 400 мільёнаў рублёў за ўтрыманне дзяцей.

Гэта 53,9% ад сумы, якая павінна быць спагнаная з 2856 бацькоў, чыіх дзяцей выхоўвае дзяржава.

7,5% нядбалых бацькоў неабходныя выдаткі не кампенсуюць.

Палова з іх знаходзіцца ў месцах пазбаўлення волі і не працуе, трыццаць чалавек – у вышуку, восем жанчын – у адпачынку па доглядзе дзіцяці.

Па дадзеных на 1 студзеня 2009 года з праблемных бацькоў ўдавалася спаганяць 43,2% неабходнай сумы, у канцы 2010 года – да 50%. Сёлета працэнт спагнання павялічыўся да 61,4%.

Кошт утрымання дзяцей спаганяецца з бацькоў паводле дэкрэта прэзідэнта №18 ад 24 лістапада 2006 года.

Паводле http://grodno-region.gov.by

Здымак з сайта http://donbass.ua