У навагоднюю ноч у Гродне падмарозіць
Днём 31 снежня часам чакаецца мокры снег, тэмпература паветра -2+3 градусы, месцамі галаледзіца.
У навагоднюю ноч падмарозіць, тэмпература панізіцца да 2 -7 градусаў мароза, месцамі да -9.
Пераважна без ападкаў.
1 студзеня крыху пацяплее, тэмпература паветра ад 0 да -5 градусаў, на дарогах галаледзіца.
У пачатку наступнага тыдня зноў пацяплее. Чакаюцца мокры снег і дождж.
Сёлетнія лістапад і снежань былі анамальна цёплымі.
27 снежня ў Гродне было зафіксавана 9,5 градусаў цяпла.
Гэта на 1,5 градуса вышэй за рэкорд максімальнай тэмпературы для 27 снежня, зафіксаваны 37 гадоў таму.