Набудзь квіток на канцэрт “Крамбамбулі” і атрымай бясплатную літоўскую візу
Гэта еўрапейскія народныя хіты, пераробленыя на сучасны кшталт.
«Што б хто ні рабіў, каб адарваць нас ад Еўропы, мы — ейная частка, — кажа лідар „Крамбамбулі“ Лявон Вольскі. —
І няхай афіцыйны курс змяняецца ў любым кірунку, мы, „Крамбамбуля“, будзем працягваць інтэграцыйны працэс».
У альбом «Драбадзі-драбада» ўвайшлі італьянскія, французскія, харвацкія, шведзкія, славацкія песні. Гэта падвойны альбом. Адна плытка — з беларускамоўнымі версіямі еўрапейскіх народных хітоў. Другая — тыя ж песні, але на мовах арыгіналу.
«Нам не ўдалося прэзентаваць альбом на радзіме, — працягвае Лявон. — Але мы не чакаем адлігі, спрыяльных часоў, зручнага моманту, а папросту будуем мост у тых умовах, якія маем. Таму „Крамбамбуля“ запрэзентуе „Драбадзі-драбада“ ў Вільні — ў сэрцы колішняй супольнай нашай дзяржавы — Вялікага Княства Літоўскага.
Апроч песень з новага альбому, безумоўна, вы пачуеце і да болю знаёмыя старыя добрыя творы. Карацей, усіх запрашаю да нас у Еўропу!».
Дзякуючы падтрымцы літоўскай амбасады, аднаразовая віза (ад 27 красавіка да 1 траўня ўключна — 5 дзён) уладальнікам квітка на канцэрт выдаецца бясплатна.
Квіткі, інфалінія, кансультацыі — 655-55-96 (Velcom, МТС), (17) 280-15-10, e-mail: soundline@tut.by.
Дадатковая инфармацыя — на старонцы гурту ў Фэйсбуку.
Яшчэ адна прэзентацыя альбома «Крамбамбулі» пройдзе ў Празе 26 красавіка (клуб Matrix). Квіткі можна замовіць тут.