Гарадзеншчына падлічвае страты ад моцнага ветру

|

Паводле аператыўнайй інфармацыі, пацярпелі 62 населеных пункта 10 раёнаў Гродзенскай вобласці.

Пашкоджаны 80 сельскагаспадарчых будынкаў, у тым ліку 48 ферм,2 вытворчых, 1 адміністратыўны,1 гандлёвы будынка і 1 аб’ект сацыяльнай службы, піша 112.by .

У чатырох жылых дамоў у Іўеўскім, Лідскім і Ашмянскім раёнах сарваны шыфер з дахаў.

Каля 50 лістоў шыферу сарваў вецер з гандлёвага будынку ў Мастах, наяжначна пашкоджаны будынак дома культуры ў в.Райца Карэліцкага раёну.

 

Паводле прэс-службы Гродзенскага абласнога МНС, з-за ветру без электрычнасці часова засталіся больш за 100 ферм і падстанцый, але да 6 гадзін раніцы падача электраэнергіі была адноўлена.

Людзі і жывёлы ад стыхіі не пацярпелі.

Папярэдне, для аднаўлення пашкоджаных аб’ектаў неабходна больш за 7000 лістоў шыферу, каля 350 метраў рубёроіду і лесаматэрыялы.

Ва ўсіх раёнах працуюць ацэначныя камісіі.

 

Здымак з сайта http://www.0629.com.ua