У “Каменным Логу” затрыманы іншаземец з падробнымі дакументамі

|

Смаргонскім памежнікам ён прад’явіў пашпарт грамадзяніна Бельгіі.

Аднак спецыяльная праверка дакумента паказала, што старонка пашпарта заменена.

 

Парушальнік прызнаўся, што ў Беларусь прыехаў з С.-Пецярбургу на цягніку.

Для разбіральніцтва ён затрыманы на трое сутак.

 

 

Штогод толькі на беларуска-літоўскім участку мяжы беларускія памежнікі затрымліваюць дзесяткі нелегалаў, якія трапляюць у Беларусь з трэціх краін і імкнуцца на тэрыторыю Еўрасаюза.

 

 

Сёння, пішуць naviny.by, ананімная крыніца з Дзяржаўнага памежнага камітэту ў інтэрвью БелаПАН заявіла, што “ва ўмовах санкцый з боку Еўрапейскага саюза кіраўніцтва краіны вырашыла перагледзіць свае падыходы да арганізацыі аховы мяжы з краінамі ЕС”.

 А менавіта: “Прыярытэт будзе аддадзены кантролю за ўездам у Беларусь, тады як раней намаганні па забеспячэнні памежнай бяспекі на ўезд і выезд былі размеркаваны раўнамерна”.

 

 

Эксперт у галіне бяспекі Аляксандр Алесін заявіў, што “тэхнічна прыкрыць вочы на нелегалаў нескладана”.

Паводле яго, у нас знаходзяцца сотні, нават тысячы людзей, пераважна з усходу, для якіх Беларусь – толькі перавалачная база на шляху ў Еўрасаюз.

Дагэтуль іх даволі эфектыўна адлоўлівалі.

 

Калі фільтр прыбраць, памежныя службы суседніх краін насамрэч трапяць у складаную сітуацыю, бо іх фільтры не такія моцныя.

 

Аднак Алесін моцна сумняецца, што нашым памежнікам сапраўды дадуць такі загад.

 

 

Паводле http://gpk.gov.by , http://naviny.by