На пажары ў Гродне загінулі пацук і тры каты
На пах дыму звярнулі ўвагу працаўнікі мантажнай арганізацыі, занятыя на рамонце аднаго з жылых блокаў.
Спачатку яны спрабавалі змагацца з агнём у пакоі з дапамогай вогнетушыцеля, але не здолелі даць рады і выклікалі выратавальнікаў.
Тыя не дазволілі пажару выйсці за межы пакою.
Агонь пашкодзіў мэблю. Гаспадароў жытла і іх маленькіх дзяцей дома не было.
Нажаль, хатні пацук і каты, што жылі ў сям’і, не вытрымалі высокай тэмпературы і моцнай канцэнтрацыі дыму.
Па папярэдніх звестках, пажар узнік з-за няспраўнай электрычнай разеткі.
Паводле http://112.by