Рыбакі знайшлі ў Нёмане цела патанулага хлопчыка

9 мая 2012 Кася Крот |

Рыбакі звязаліся з выратавальнікамі каля 19 гадзін.

Пазнаць патанулага было немагчыма.

Па мабільным тэлефоне і звязцы ключоў у кішэні пухавіка, вызначылі, што гэта хлопчык, якога шукалі з 3 сакавіка.

Рэчы загінулага апазнаў бацька.

12-гадовы падлетак разам з сябрам адправіўся тады на прагулку па Нёмане ў раёне чыгуначнага маста.

Калі хлопчык пачаў тануць, сябра кінуўся па дапамогу ў суседні дом.

Выратавальнікі былі на месцы здарэння праз некалькі хвілін, але на вадзе ўжо нікога не было. Хлопчыка безвынікова шукалі вадалазы.