У “Крызе” прэзентуюць беларускі пераклад кнігі вершаў ксяндза Яна Твардоўскага
Ксёндз Ян Твардоўскі, які памёр 6 гадоў таму, – лічыцца аднім з найлепшых сучасных польскіх паэтаў. Пасля сябе ён пакінуў некалькі сот вершаў.
Паэзія ксяндза Твардоўскага адчыненая на разнастайнасць і прыгажосць жыцця, піша thenews.pl . Паэт марыў аб тым, каб яго вершы зрабілі свет трошачкі лепшым.
Я. Твардоўскі: Я баюся, што свет забруджаны ня толькі выхлапнымі газамі, смеццем, пылам і брудам, але й злосцю, абыякавасцю, дрэнным настроем. А ў вершаў можа быць спакой, цеплыня і ўсмешка. Яны могуць ачышчаць атмасфэру і, як Святы Мікалай, радаваць нават самым маленькім падарункам.
Прэзентацыя кнігі вершаў кс. Яна Твардоўскага “Разам з Табою” адбудзецца 26 жніўня ў арт-галерэі “Крыга”.
Пачатак а 16-ай гадзіне.
Здымак http://racyja.eu