У Гродне пачалі прымаць заявы ад ахвотных скарыстацца арэнднымі кватэрамі
Для тых, хто стаіць на ўліку і мае патрэбу ў паляпшэнні жыллёвых умоваў, гарвыканкам прапануе 38 кватэр у доме №52 па вуліцы Таўлая.
Адміністрацыі Ленінскага раёна прадстаўлены ў карыстанне 19 кватэр:
6 двухпакаёвых (1 – агульнай плошчай 53,1 м.кв, 5 – ад 62 да 62,5 м.кв.)
13 трохпакаёвых (2 – агульнай плошчай 74,6 і 74,8 м.кв., 11 – ад 78,6 да 80 м.кв).
Адміністрацыя Кастрычніцкага раёна атрымала:
5 двухпакаёвак (агульная плошча ад 61,9 да 62, 7 м.кв.)
14 трохпакаёвых кватэр ад 74,6 да 80 м.кв. кожная.
За кожны квадратны метр агульнай плошчы камерцыйнай кватэры жыхарам давядзецца штомесяц плаціць 10 тысяч рублёў. Напрыклад, кватэра плошчай 62 м.кв. абыйдзецца ў 620 тысяч рублёў у месяц. Камунальныя паслугі аплочваюцца асобна.
Арэндныя кватэры будуць выдзяляцца па заявах грамадзян, сыходзячы з даты іх пастаноўкі на ўлік. Калі ж ахвотных сярод чаргавікоў не знойдзецца, у кватэры змогуць засяліцца і тыя, хто фармальных падстаў для паляпшэння жыллёвых умоваў не мае.
Паводле http://grodno.gov.by
Здымак http://www.moyby.com