Пушкін абскарджвае свой арышт пэрформансам

|

Ён просіць прызнаць рашэнне раённага суда аб сваім 10-суткавым арышце незаконным.

 

Да адміністрацыйнага пакарання Алесь Пушкін быў прыцягнуты за тое, што ў верасні разам з іншымі мастакамі прайшоў па горадзе з партрэтам дзеяча антысавецкага супраціву Расціслава Лапіцкага, каб прыцягнуць увагу грамадскасці да асобы бязвінна рэпрэсаванага з мэтай ушанавання ягонай памяці.

Каб падаць заяву на абскарджанне, у Вярхоўны суд Алесь Пушкін таксама прыйшоў з партрэтам Расціслава Лапіцкага.

 
 
Мастак гэтак патлумачыў сваю пазіцыю:

–Гэткім чынам я хачу паставіць кропку ў сваім, фактычна, змаганні за ўшанаванне памяці рэпрэсаванага юнака.

Каб у Смаргоні паўстаў помнік, была названая вуліца ці мастацкая галерэя ў памяць Расьціслава Лапіцкага. Словам, каб чалавека ўшаноўвалі за тое, што ён змагаўся за незалежную Беларусь.
 
Для чаго гэта зроблена: гэта, па сутнасці, будзе палітычнае сведчанне, што нашая дзяржава і яе судовая ўлада застаюцца неасталінісцкімі, караюць мастакоў за праявы сучаснага мастацтва, за мірныя выступы, каб абудзіць памяць аб рэпрэсаваных, каб у нашых мястэчках і гарадах паўсталі помнікі рэпрэсаваным.


Алеся Пушкіна затрымалі разам з Алесем Цыркуновым, Валянцінам Варанішчам, Генадзям Драздовым, Уладзімірам Шульжыцкім 2 верасня. Суд адбыўся ў Смаргоні 24 верасня.