У Шчучынскім раёне фальшывы міліцыянер абрабаваў пенсіянера
На ганку стаяў незнаёмы з пасведчаннем у руцэ. Прадставіўшыся супрацоўнікам міліцыі, ён паведаміў, што ў суседнім доме адбылося забойства і папрасіў дазволу ўвайсці.
Апынуўшыся ў доме, незнаёмец адразу запатрабаваў у старога грошы.
Выкарыстаўшы сілу і пагражаючы прадметам, падобным на пісталет, рабаўнік забраў у вяскоўца 1,7 мільёна рублёў, абарваў шнур тэлефона і зачыніў пенсіянера ў хаце.
Раніцай суседа абрабаванага старога насцярожыла тое, што хата зачыненая звонку, і ён выклікаў міліцыю і вызваліў пацярпелага.
Зламысніка ніхто не бачыў, аднак супрацоўнікам міліцыі хутка атрымалася затрымаць падазраванага ў суседняй вёсцы.
Яго выдалі сляды барацьбы на твары і рэчавыя доказы. Замест пасведчання супрацоўніка міліцыі рабаўнік карыстаўся прафсаюзнам білетам.
Паводле http://uvd.grodno.by
Здымак http://virtual.brest.by