ЗАПРАШАЕМ НА ПРАЦУ
Няпэўнае становішча прадпрыемства вымушае яго кіраўніцтва скарачаць працоўны час для пэўных катэгорый работнікаў. Як паведамілі Радыё Рацыя працоўныя ААТ “Хімвалакно” цяпер на працу яны ходзяць паводле тэлефонных запрашэнняў: створаны адмысловы графік працы, які прадугледжвае прысутнасць на працоўным месцы той ці іншай катэгорыі работнікаў. Незапатрабаваныя кадры знаходзяцца ў вымушаных адпачынках.
Намеснік дырэктара “Хімвалакно” Ігар Бабар адмовіўся падцвердзіць Радыё Рацыя інфармацыю, атрыманую ад яго падначаленых. Апошнім часам на многіх гродзенскіх прадпрыемствах назіраецца цяжкае эканамічнае становішча, звязанае з наступствамі фінансавага крызысу. Аднак пад пагрозай асабістай адказнасці кіраўнікам прадпрыемстваў забаронена скарачаць працоўныя месцы.
Паводле Радыё Рацыя