У Гродне пачалася эпідэмія ВРВІ
БелаПАН са спасылкай на галоўнага эпідэміёлага Міністэрства аховы здароўя Іны Карабан паведамляе, што цыркулююць у асноўным адэнавірусы і рэспіраторна-сінцыцыяльныя вірусы, каля 30% захварэлых хворыя на грып.
Часцей за ўсё рэгіструюць вірус грыпу A (H1N1), які выклікаў пандэмію ў 2009 годзе, адзначаюцца выпадкі грыпу A (H3N2) і адзінкавыя – грыпу B.
Хварэюць найбольш дзеці.
Некалькі школ у Мінскай вобласці зачыненыя на карантын.
У Гродне такой неабходнасці пакуль няма. Рашэнне аб увядзенні супрацьэпідэмічных мерапрыемстваў прымаюць мясцовыя ўлады.
Абмежавана наведванне пацыентаў у шпіталях, арганізаваныя планавыя хатнія агляды цяжарных і немаўлят, паліклінікі працуюць без выходных.
На дапамогу тэрапеўтам прыцягваюцца дактары іншых спецыялізацый, ардынатары і інтэрны, адначасова ў паліклініках абмяжоўваецца прыём здаровых грамадзян і правядзенне прафілактычных медыцынскіх аглядаў.
Паводле http://belapan.by
Здымак http://www.vecherniyorenburg.ru