Гурт “Ave”, Таццяна Салаўёва, Іван Пачывалаў ды іншыя на канцэртах у Музеі гісторыі рэлігій

Гурт “Ave”, Таццяна Салаўёва, Іван Пачывалаў ды іншыя на канцэртах у Музеі гісторыі рэлігій

9 лютага ў 17 гадзін у музеі выступіць ансамбль клерыкаў Гродзенскай вышэйшай духоўнай семінарыі.

Ст. навуковы супрацоўнік Музея гісторыі рэлігій Вера Хведчына:

– “Ave” выступае ў нас штогод. Сёлета гэта атрымалася напярэдадні пачатку Вялікага паста ў каталікоў. Як правіла, на канцэрце прысутнічае і рэктар семінарыі, які распавядае гісторыю ансамбля.

10 лютага ўпершыню у камернай зале музея выступіць Таццяна Салаўёва. У праграме – аўтарская, камерная песня, этніка, акустычны рок, беларускія народныя песні.

Канцэрт мае назву “У дзень нараджэння”.

Вера Хведчына:

–  Акрамя гераіні вечара, у канцэрце возьмуць удзел яе сябры і госці: Іван Пачывалаў (“Некоторое отсутствие пуговиц”), “Раса мечтателей”, Юрый Дубовік (“Воображаемые люди”, праект “Вочы”), Ігар Падчыненкаў і праект “Группа товарищей”.

Пачатак канцэртаў у 17.00.

Трапіць на іх можна, набыўшы ўваходны квіток у Музей гісторыі (кошт – 10 тысяч рублёў).

Здымак http://be.wikipedia.org