“Нёман” прайграў “Мінску” з лікам 1:0

|

Не паспелі мы забыць гучную перамогу “Нёмана” над “БАТЭ”, як падапечныя Сяргея Саладоўнікава мінімальна прайграюць ФК “Мінск”. Матч праходзіў на штучным газоне “гараджан”. Частая змена газона магла паўплываць на няўпэўненую гульню гарадзенскай каманды.


Як і меркавалася, гаспадары адразу ж завалодалі ініцыятывай. Дасведчаныя гульцы, такія як Васілюк і Разін, стваралі атаку за атакай. “Нёман” жа гуляў у абароне. На 28 хвіліне матчу, абаронца “гараджан” Рнiч забіў гол пры дапамозе прастрэла…

 

Пасля гала “Нёман” выдаў шэраг небяспечных момантаў. Быў момант у Яблана, які пальнуў з каля 35 метраў, але Бушма адвёў пагрозу ад варот. Самы небяспечны момант ля варот “Мiнска” паўстаў на 40 хвіліне, Дзенісевіч выразаў пас на Савіцкага, Павел выходзіў адзін на адзін з брамнікам гасцей, але наступіў на мяч.

 

Усе чакалі другога тайму, бо другую палову “Нёман” у гэтым сезоне грае значна лепш, чым першую.

Пасля перапынку відаць было, што госці сабраліся і стварылі некалькі перспектыўных момантаў. Адзін з галявых момантаў выдаў Дзенісевіч, але зноў вароты выратаваў Бушма.

 

Саладоўнікаў узмацняў атаку, выпусціўшы Лачнаго і Сеаліна, а пазней яшчэ і Бомбеля. Але “Мінск” ўсёй камандай стаў у абарону і не дапускаў гасцей да варот Бушмы. Пад канец матча былі яшчэ моманты ў “Нёмана” каб зраўняць лік, але не хапіла, мабыць, сіл і жадання…

“Нёман” прайграе, але захоўвае за сабой першы радок у турнірнай табліцы, маючы ў актыве 10 ачкоў, у адным шэрагу з “БАТЭ” і “Шахцёрам”.

 

Здымкі football.by