Аварыя ў Сакулцы: вінаватая кіроўца з Беларусі

Учора каля поўдня ў польскай Сакулцы сутыкнуліся беларускі форд эскорт і польскі міцубішы. Ані кіроўцы, ані пасажыры не пацярпелі, але перад беларускага форда фактычна знішчаны. Жанчына, якая кіравала аўтамабілем, атрымала штраф.


Як вызначыла польская паліцыя, кіроўца форда, выязджаючы з другараднай дарогі, не саступіла міцубішы, што рухаўся па галоўнай.

Скрыжаванне вуліц Крэсовай і Лётнікув Левонеўскіх у Сакулцы было закрыта для руху амаль на гадзіну. Як паведамляе isokolka.eu, гэтае скрыжаванне ў мястэчку ўжо раней станавілася месцам аварый.

Здымкі isokolka.eu