Польскі перавозчык, фірма Przewozy Regionalne, падлічвае кошт аднаўлення чыгуначнага руху на трасе паміж Гродна і Беластокам. Аб гэтым чыгуначнікаў папрасіла Міністэрства інфраструктуры і будаўніцтва. Папярэдне запланаваныя дзве пары цягнікоў.
Польскія правыя лічаць, што дадатковыя прывілеі для ўладальнікаў Карты паляка, прадугледжаныя зменамі ў адпаведным законе, пагражаюць польскасці ў Беларусі. Магчымасць больш простай рэпатрыяцыі можа стварыць сітуацыю, калі моладзь, што адчувае сябе палякамі, эмігруе ў Польшчу, пасля чаго ў Беларусі не будзе каму працягваць традыцыі гэтай нацыянальнай меншасці.
У Гродне скончыўся суд над двума міліцыянтамі, якія ў час камандзіроўкі ў Ліду, дапытваючы падазраваных, перавысілі службовыя паўнамоцтвы. Іх прызналі вінаватымі і прыгаварылі да чатырох і шасці гадоў пазбаўлення волі.
Галоўнае статыстычнае ўпраўленне Польшчы апублікавала дадзеныя пра памежны рух у трэцім квартале 2015 года. У справаздачы бачна, што ў параўнанні з мінулым годам значна актывізаваўся рух на польска-украінскай мяжы, а вось на польска-беларускай і польска-расійскай пачаў скарачацца.
Незвычайныя спаборніцтвы, што адбываюцца ў польскім Аўгустове ўжо 20 год, сёлета ўпершыню прайшлі і на беларускай частцы каналу. 22 жніўня на шлюзе Дамброўка спаборнічалі незвычайныя самаробныя караблі, таксама прайшоў турнір па футболе ў балоце.
Міністэрства інфраструктуры і будаўніцтва Польшчы пацвердзіла, што субота, 12 снежня, будзе апошнім днём курсіравання памежных цягнікоў з Гродна ў Кузніцу і Беласток, а далей Элк і Малкіню. Новага цягніка ў Варшаву пакуль не будзе. Але польскі бок хоча максімальна хутка аднавіць спалучэнне.
Польскія памежнікі паказалі гарадзенскім журналістам, як яны будуць правяраць уладальнікаў новых біяметрычных шэнгенскіх віз. Такія візы пачнуць выдаваць беларусам у консульствах з 23 чэрвеня.
Фестываль “Фанфары сяброў” ужо чацвёрты раз праходзіў у Парэччы 23-24 мая. У ім удзельнічалі прафесійныя і аматарскія аркестры з Беларусі, Польшчы і Латвіі.
Адзін з самых адметных гарадзенскіх мастакоў Аляксандр Сільвановіч праз месяц адсвяткуе 50 год. З гэтай нагоды ў Гродзенскай выставачнай зале адкрылася ягоная вялікая выстава, дзе можна пабачыць працы як 1992-га года, гэтак і 2015-га. Яна называецца “Неба”.
У красавіку ў судзе Кастрычніцкага раёна пачалі разглядаць справу двух міліцыянтаў, якіх падазраюць у перавышэнні службовых паўнамоцтваў. Першыя тры паседжанні праходзілі адкрыта, а на чацвёртым, якое прайшло 13 мая, суддзя прыняў рашэнне разглядаць справу ў закрытым рэжыме.
