На мінулым тыдні мы даведаліся і пабачылі, як будзе выглядаць гарадзенскі лагатып “Культурнай сталіцы Беларусі”. Ім апынуўся сілуэт Драмтэатра, упрыгожаны арнаментам. Але не ўсім гэты лагатып спадабаўся. У інтэрнэце ўжо з’явіліся альтэрнатыўныя прапановы (адна з іх на малюнку вышэй).
Пасля таго, як з патрабаваннямі палепшыць умовы працы выступілі супрацоўнікі мінскай хуткай дапамогі, да іх далучыліся калегі з Гродна. Раніцай 11 студзеня ў Цэнтральнай станцыі хуткай дапамогі адбылася сустрэча супрацоўнікаў з начальнікам упраўлення аховы здароўя аблвыканкама Андрэем Стрыжаком.
Беларуска-літоўская выстава “Паўстанне 1863 года: твары, імёны, гісторыі” працуе ў гарадзенскім Старым замку да нядзелі 19 студзеня. На ёй можна пабачыць аўтэнтычныя рэчы, такія як здымак Каліноўскага або сцяг паўстанцаў. Экспанаты нідзе ў Беларусі, акрамя Гродна, не будуць выстаўляцца, і па заканчэнні выставы вернуцца ў Літву.
Анлайн канферэнцыю з прадстаўнікамі міністэрства энергетыкі і прадпрыемства “Белтопгаз” правяло 9 студзеня БелТА. У час яе было зададзена нямала пытанняў адносна будучага заказніка “Азёры” і балота Святога. Нагадаем, што 2 лістапада на грамадскіх слуханнях у Азёрах неабыякавыя актывісты і мясцовыя жыхары выказаліся супраць асушэння.
Упершыню беларускае Міністэрства адукацыі склала рэйтынг лепшых вышэйшых навучальных устаноў краіны. Спіс складзены па выніках уступнай кампаніі 2013 года і ацэньвае патэнцыял першакурснікаў.
Тры метры варанай “Доктарскай” і столькі ж “Георгіеўскай” падрыхтаваў гарадзенскі мясакамбінат да калядных святаў. Пабачыць і пакаштаваць іх гарадзенцы маглі 7 студзеня ў “Гарадзенскім маёнтку “Каробчыцы”.
40 асобнікаў кнігі былі канфіскаваныя 3 ліпеня ў праваабаронцы Таццяны Равякі на беларуска-літоўскай мяжы ў “Каменным Логу”. Цяпер цягам 10 дзён кнігі трэба вывезці назад у Літву.
З першага дня 2014 года ў пункце пропуска ў Кузніцы Беластоцкай працуе адмысловая паласа для пешаходаў. За першыя тры дні ёй скарысталіся каля 200 чалавек.
Аўтамабіль з такім надпісам на шкле пабачыў карэспандэнт “Твайго стылю” ў другі дзень новага года ў самым цэнтры Гродна.
25 снежня дзве групы калядоўшчыкаў на аўтамабілях, як штогод, ездзілі па ўсіх раёнах Гродна, каб павіншаваць гарадзенцаў з Раством. Другі раз яны аб’едуць горад 7 студзеня, на Раство па юліянскім календары. Разам з калядоўшчыкамі праехаўся і карэспандэнт “Твайго стылю”.
