Удалая замена Саладоўнікава: “Нёман” выйшаў на пятае месца ў турнірнай табліцы!

|

Пасля няўдалай гульні ў Мазыры, “Нёман” рэабілітаваўся і абыграў бабруйскую “Белшыну” з лікам 2:1. Гэтым самым каманда выйшла на пятае месца ў турнірнай табліцы.


Апошні раз бабруйчане абгульвалі “Нёман” у чэмпіянаце ажно ў 1999 годзе. Тады яшчэ “Нёман-Белкард” на выездзе прайграў з разгромным лікам 5:1. І вось ужо 14 гадоў як “Белшына” ўсё ніяк не можа абгуляць сваіх нязручных супернікаў з Гродна.

 

У першым крузе каманды ўжо сустракаліся. Матч праходзіў у Мінску на штучным газоне. Тады сустрэча скончылася з лікам 2:2. Хоць гарадзенцы вялі ў матчы з лікам 2:0, але выпусцілі перавагу.

 

Гэтым разам матч праходзіў у Гродне. Хаць пачаткова гульня была роўная, першымі лік адкрылі госці. Гардзяйчук, абыграўшы Садаўнічага, прабіў здалёк у дзявятку варот Чэрніка. Пры ліку 0:1, каманды адправіліся ў распранальню.

Пасля перапынку гульня памяняла характар і гарадзенцы проста прыціснулі гасцей, ствараючы шэраг перспектыўных нападаў. Актыўны былі Савіцкі і Лачны (на першым фота), гэтая звязка і прывяла да голу ў вароты гасцей.

 

Для ўзмацнення атакі Саладоўнікаў выпусціў Сеаліна, а пасля яшчэ і Яблана. Менавіта вырашальная замена галоўнага трэнера “Нёмана” адыграла галоўную ролю ў матчы. Два легіянеры Лачны і Яблан разыгралі атаку, якая прывяла да ўзяцця варот. Гол атрымаўся на любату, гледачы апладзіравалі стоячы.

 

align=”middle” alt=”ФК Нёман, Белшына, Сямён Шапіра” >

Старшыня аблвыканкаму Сямён Шапіра глядзіць матч

 

Пасля матчу Сяргей Саладоўнікаў:

 

“Вельмі важная перамога з пункту гледжання стратэгіі і псіхалогіі. Пасля матчу ў Мазыры хацелі рэабілітавацца перад заўзятарамі. Як і ў Мазыры, сёння былі два розных таймы. Было вялікае жаданне, хоць і не ўсе заўсёды ўсё атрымлівалася. І вельмі радасна, што нам удалося пераламаць ход матчу.

 

Лічу, што такія гульні, як сённяшняя, павінны загартаваць каманду. У перапынку я сказаў гульцам, што такія сустрэчы выйграюцца за кошт характару. Не за кошт тактыкі, тэхнікі і стратэгіі, а менавіта за кошт характару. Таму перамозе рады”.

 

Турнірная табліца пасля 13 тураў, “Нёман” падняўся на пятае месца.

 

Месца

Каманда

Гульні

Ачкі

1.

“Шахцёр”, Салігорск

13

32

2.

БАТЭ, Барысаў

13

26

3.

“Гомель”

13

21

4.

“Дынама-Мінск”

13

20

5.

“Нёман”   

13

19

6.

“Белшына”, Бабруйск

13

19

7.

“Тарпеда-БелАЗ”, Жодзіна

13

18

8.

“Дынама-Брэст”

13

14

9.

 “Мінск”

13

13

10.

“Днепр”, Магілёў

13

13

11.

“Нафтан”, Наваполацк

13

9

12.

“Славія”, Мазыр

13

7

 

Наступны матч гарадзенцы правядуць у гасцях у горадзе на Бугам. Там камадна з Гродна будзе сустракацца з брэсцкім “Дынама”. Матч адбудзецца ў нядзелю 23 чэрвеня ў 19.00.

 

Да наступнага матчу чакайце на “Тваім стылі” інтэрв’ю з адным з футбалістаў “Нёмана”.

 

Фота Мілаша Лачнага – Яраслаў Ванюкевіч, football.by