Супрацоўнікі “Гродна Азоту” кралі дэталі, прызначаныя на рамонт абсталявання

26 чэрвеня 2013 ТС |

З тэрыторыі “Гродна Азоту” з студзеня 2011 па травень 2013 года знікалі трубы, адводы, шасціграннікі, фланцы, трайнікі, іншыя вырабы з нержавейкі.

Падазраваныя – 2 майстра і кіроўца – дзейнічалі па папярэдняй змове, яны затрыманыя.

Са складаў прадпрыемства дэталі траплялі ў гараж аднаго з падазраваных.

У дачыненні трох чалавек распачатая крымінальная справа, ім пагражае ад 5 да 12 гадоў пазбаўлення волі з канфіскацыяй маёмасці.

Знойдзеныя скрадзеныя дэталі на агульную суму 130 мільёнаў рублёў.

Паводле аператыўнай інфармацыі, яны прызначаліся на продаж сталым кліентам.

Аператыўнікі высвятляюць, хто дапамагаў падазраваным красці і вывозіць з тэрыторыі прадпрыемства дэталі.