У Гродне ліквідуюць стыхійныя міні-рынкі

|

Рэйды па спыненні несанкцыянаванага гандлю правядзе Гродзенскі занальны цэнтр гігіены і эпідэміялогіі.


Апошнім часам у Гродне актывізаваўся стыхійны гандаль прадуктамі харчавання, садавінай, гароднінай.

Групы гандляроў можна назіраць каля многіх прадуктовых крам і гандлёвых цэнтраў.

Іх паслугамі ахвотна карыстаюцца гарадзенцы.

 

Цэнтр гігіены і эпідэміялогіі папярэджвае, што набыццё прадуктаў у такіх гандляроў небяспечна для здароўя.

Прадукты прадаюцца з зямлі альбо з брудных скрыняў, тэмпературны рэжым захоўвання не выконваецца, а самі гандляры не маюць медыцынскіх даведак. Таму ёсць верагоднасць пасля спажывання набытага падхапіць кішэчныя інфекцыі і нават туберкулёз.

 

Дзеля кантролю над сітуацыяй гарвыканкам стварыў камісіі, якія будуць наведваць месцы несанкцыянаванага гандлю. У іх складзе прадстаўнікі адміністрацыі, санітарна-эпідэміялагічнай службы, інспекцыі Міністэрства па падатках і зборах, ЖЭСаў, РАУС.

 

Паводле http://grodno.gov.by

Здымак http://economics.lb.ua