Памежнае супрацьстаянне: “Нёман” мацней за “Ягелонiю”

|

Сёння футбалісты “Нёмана” на родным стадыёне перамаглі польскі клуб “Ягелонiя” з Беластока. Нагадаем, паміж клубамі ў рамках пагаднення аб супрацоўніцтве дасягнута дамоўленасць аб правядзенні ў бліжэйшы час двух таварыскіх матчаў.


Уваход на матч быў вольным, ды і надвор’е не падвяло, таму на памежнае супрацьстаянне прыйшло паглядзець шмат людзей. Адны хацелі паглядзець на польскі клуб, іншыя на “Нёман” і навабранцаў. І паглядзець сапраўды было на што.

У першым тайме гарадзенцы вызначыліся двойчы. Спачатку Мілаш Лачны патрапіў у вароты палякаў, а пасля і Павел Савіцкі эфектна згуляўшы на апярэджанні даслаў мяч у вароты гасцей.

Мілаш Лачны ўсё часцей і часцей напружваў абарону гасцей

 

Варта адзначыць, што ў першай палове матчу асноўны склад гуляў без свайго капітана. Іван Дзенісевіч атрымаў сур’ёзную траўму ў апошнiм матчы з “Дынама” і выбыў да канца сезона. Дзмітрый Раўнейка з капітанскай павязкай выводзіў каманду на поле.

Героі першага тайма

 

У другім тайме трэнеры вырашылі праверыць моладзь. У Нёмане варта адзначыць актыўнага Калiжанава, Цімур нездарма атрымаў апладысменты ад гарадзенскiх аматараў.

А што тычыцца галоў, то палякам удалося адзначыцца адзін раз, бо храмала наша абарона. Гэтак жа і з боку “Нёмана” адзначыўся Бомбель. Нападаючы меў шмат момантаў, але з рэалізацыяй былі праблемы. Тыя ж праблемы і ў Лясюка, які выйшаў у другім тайме. А яшчэ публіка ўбачыла, як вярнуўся на вялікае поле Аляксея Лягчылін.

Адзначым, што ў таварыскім матчы зноў прысутнічаў карэец Лі з маскоўскага “Дынама”, нечым вызначыцца яму не ўдалося, але падзякi ад публікі атрымаў.

 

Выніковы лік у матчы 3:1 на карысць “Нёмана”. Сустрэчу ў адказ каманды правядуць 10 ліпеня ў Беластоку. Час пакуль узгадняецца.

 

Рубрыка “Па-за полем” 😉

 

Які бацька, такі і сын!

 

Лачны: “Ёсць тэлефон з камерай патэлефанаваць?”

Рыбак: “Можа соку?”

 

   
 У хуткім часе чакайце на нашым сайце матэрыялы пра футбол “польскага часу” ў Гродне!