“Гродна Азот” больш не цікавіць інвестараў з Індыі

|

Пра гэта заявіў пасол Індыі ў Беларусі Манодж Кумар Бхарці, паведамляе БелаПАН.

Восенню 2012 года прэм’ер-міністр Беларусі Міхаіл Мясніковіч прапанаваў Індыі паўдзельнічаць у прыватызацыі і пашырэнні магутнасцяў “Гродна Азота”.

Тады, на беларуска-індыйскім бізнес-форуме ў Нью-Дэлі  Мясніковіч казаў пра магчымасці рабіць кампаненты для індыйскага рынку, выкарыстоўваючы азотныя, калійныя і фосфарныя ўгнаенні.

 

Індыйская дэлегацыя абмяркоўвала гэтае пытанне ў часе візіту ў Беларусь у студзені 2013 года.

Аляксандр Лукашэнка ў гэты ж час заяўляў пра магчымы ўдзел Індыі ў будаўніцтве новага нафтахімічнага комплекса на базе “Гродна Азота” і казаў пра варыянт удзелу ў праекце беларускага, расійскага і індыйскага бакоў.

 

Цяпер інтарэсы Індыі перабіў расійскі бок.

Расіяне плануюць інвестаць у гродзенскае прадпрыемства каля 1 мільярда даляраў, пабудаваўшы азотны комплекс.
Пра гэта дамовіліся прадстаўнікі “белнафтахіму”і “Газпром інвестпраект”.

 

Паводле http://belapan.by