У лямусе Брыгіцкага манастыра адкрыецца музей Гродзенскай каталіцкай епархіі

|

У драўляным будынку сярэдзіны XVII стагоддзя, які ўзведзены без выкарыстання металічных цвікоў ды скобаў, размесціцца экспазіцыя, прысвечаная гісторыі епархіі.


Адпаведнае рашэнне прыняў гарадзенскі біскуп Аляксандр Кашкевіч.

 

Кнігі XVII-XIX стагоддзяў, алтарныя карціны, фатаздымкі і дакументы маюць вялікую гістарычную каштоўнасць і зацікавяць наведнікаў.

 

Але да гэтага лямус чакае рэстаўрацыя. Яна будзе складанай і вельмі дарагой і пачнецца толькі пасля грунтоўных даследванняў, экспертыз і ўзгадненняў.

 

Фонды музея размесцяцца ў будынку Брыгіцкага манастыра.

 

Рэстаўрацыйныя працы ў Пабрыгіцкім касцёле – помніку архітэктуры барока першай паловы XVII стагоддзя – скончацца да канца месяца.

 

Адноўленыя ляпніна, пілястры і фасады касцёла, бочны партал, унікальны чорна-белы арнаментальны пояс XVIII стагоддзя. У перспектыве будуць адноўленыя страчаныя алтары храма, якія зніклі, калі касёл зачынілі. Алтары зробяць па старых фотаздымках і малюнках.

 

Паводле belta.by