Гарадзенскія анколагі атрымаюць ад Еўрасаюза 1.8 мільёна еўра

|

Досьведам абмяняюцца спецыялісты Гродзенскай абласной клінічнай бальніцы і Ваяводскай грамадскай бальніцы Сувалак.

Агульны бюджэт праекта – 3,9 мільёна еўра.

Грошы пойдуць на навучанне персанала, развіццё інфраструктуры медыцынскіх установаў дзеля зніжэння смяротнасці ад злаякасных новаўтварэнняў у жыхароў памежных тэрыторый.

На базе гродзенскага абласнога шпіталя створаць самастойнае прыёмна-дыягнастычнае аддзяленне, дзе пацыентам змогуць аказваць першую дыягнастычную і медыцынскую дапамогу.

За сродкі праекта набудуць рэанімабілі, сучаснае медыцынскае абсталяванне, правядуць навукова-практычныя семінары і трэнінгі ў Польшчы і Беларусі, канферэнцыі па раннім выяўленні новаўтварэнняў, наладзяць транспамежнае тэлекансультаванне пацыентаў.

Плануецца ўкараніць новыя тэхналогіі, заснаваныя на фотадынамічнай дыягностыцы і рэнтгенаўскім абследаванні.

Праект разлічаны на 2 гады.

 

Паводле http://www.belta.by

Здымак http://img1.1tv.ru