У аварыі ў Гродне загінула дзіця. Малога прыціснула плітой

У аварыі ў Гродне загінула дзіця. Малога прыціснула плітой

Паводле autogrodno.by, каля 20.30 сутыкнуліся “Фальксваген Пасат Б4″, “Сітраэн” і “БМВ”, якія рухаліся ў бок Дзевятоўкі.

Відавочцы сведчаць, што кіроўца першага аўтамабіля рэзка спыніўся за прытармазіўшым папярэднім. Кіроўца “Сітраэна” не здолеў зрэагаваць так хутка і ўехаў у “Пасат”.

Пашкоджанні машын былі мінімальнымі, але праз некалькі секунд у “Сітраэн” ззаду ўдарыў “БМВ”.

Удар быў настолькі моцны, што “БМВ” не падлягае аднаўленню.

У салоне аўтамабіля ехала сямейная пара з гадавалым уласным дзіцём і пяцігадовым пляменнікам, які загінуў.

Паводле неафіцыйнай інфармацыі, дзіця атрымала моцны ўдар у галаву незамацаванай надмагільнай плітой, якую перавозілі ў багажніку “БМВ”.

Падрабязнасці ўдакладняюцца.

Паводле http://autogrodno.by