На Гарадзеншчыне загінулі два раварысты

|

У Карэлічах мужчыну на ровары збіў спадарожны МАЗ.

Здарэнне адбылося на вуліцы Гастэла ў пачатку восьмай гадзіны раніцы, калі было яшчэ цёмна.

Раварыст памёр ў рэанімацыі праз 2,5 гадзіны пасля аварыі.

Як мог кіроўца не заўважыць чалавека ў спецыяльнай вопратцы – вызначыць следства.

 

У Лідзе раварыстка загінула каля 18 гадзін.

“Опель” збіў яе на вуліцы Рыбіноўскага, калі жанчына з роварам выйшла на праезджую частку справа па ходу руху аўтамабіля.

Жанчына загінула на месцы.

Яна ўвогуле была апранутая ў адмысловую салатавую камізэльку з флікерамі.

 

Асоба гэтай жанчыны застаецца нявысветленай.

На выгляд ёй 65-70 гадоў, сярэдняга целаскладу, рост 160-165 см, валасы кароткія з сівізной.

 

Паводле http://gaigrodno.by