Міністранты абкрадалі касцёл разам са знаёмым крымінальнікам

18 снежня 2013 ТС |

Следчыя і эксперты вызначылі, што злодзей увайшоў у касцёл праз запасны ўваход, дзверы якога зачыняліся знутры пры дапамозе скрутка провалакі.

Першымі падазраванымі сталі 12-13-гадовыя мясцовыя міністранты.

Высветлілася, што падлеткі кралі грошы цягам некалькіх месяцаў.

У час набажэнства адкручвалі провалаку на дзвярах запаснога ўваходу, а пасля ад’езда святара вярталіся ў храм.

Яны бралі са скарбонкі 100-200 тысяч рублёў, спадзеючыся, што гэтага ніхто не заўважыць.

Пра сваё вынаходніцтва падлеткі распавялі 18-гадоваму прыяцелю, раней асуджанаму за крадзеж і рабаўніцтва.

Спачатку той двойчы ўдзельнічаў у агульных “набегах” на касцёл (бралі па 300 тысяч рублёў), а затым вырашыў дзейнічаць самастойна.

У той дзень святар пакінуў ключ у дзвярах свайго кабінета.

Крымінальнік абшукаў мэблю і знайшоў даляры, расійскія і беларускія рублі.

Расійскія не ўзяў, а астатняе забраў цалкам.

На момант затрымання паспеў прагуляць каля 3 мільёнаў рублёў.

Цяпер і ён, і ягоныя непаўналетнія саўдзельнікі, праходзяць падазраванымі ў крымінальнай справе.