Дзмітры Краўчанка: Лепшым гульцом у нас была ўся каманда
Першы перыяд застаўся за гарадзенцамі, на 16 хвіліне лік адкрыў Аляксандр Коўшык. У другім перыядзе гаспадары здолелі не толькі зраўняць лік, але і выйсці наперад, вызначыліся Саламонаў і Мусіенка. Але ўтрымаць лік “Гомелю” ў другой дваццаціхвілінцы так і не ўдалося, гарадзенцы выраўноўваюць лік намаганнямі Коршунава. У трэцім перыядзе “Нёман” закінуў дзве неўзаемныя шайбы, тым самым і перамог прынцыповага суперніка з лікам 5:2.
ХК “Гомель” – “Нёман” – 2:5 (0:1, 2:2, 0:2)
Шайбы закінулі:
0:1 – Аляксандр Коўшык 16:37
1:1 – Яўген Саламонаў 21:12
2:1 – Павел Мусіенка 28:08
2:2 – Андрэй Коршунаў 36:06
2:3 – Іван Мядзел 36:33
2:4 – Віктар Андрушчанка 43:02
2:5 – Андрэй Коршунаў 44:50
align=”middle” alt=”ХК Нёман” >
Пасля матчу галоўны трэнер “Нёмана” Дзмітры Краўчанка:
“Хацелася б павіншаваць усіх аматараў хакея, спартсменаў, трэнераў з Новым годам. Няхай ён прынясе шмат станоўчых эмоцый і не расчароўвае як у спорце, так і ў жыцці. Любові, шчасця, здароўя ўсім!
Што тычыцца самой гульні, не скажу, што трэнер фармальна прызначае лепшага – сёння лепшым гульцом у нас была ўся каманда, нягледзячы на тое, што ў нас няпоўны склад – матч сканчалі ў чатыры-пяць абаронцаў. Удзячны хлопцам за тое, што згулялі да канца. Першы перыяд “Гомель” меў перавагу, заціскалі нас у зоне, але мы выстаялі, забілі добры гол. У пачатку другога перыяду выдаленне нас збянтэжыла, але хлопцы выраўнялі гульню. Ну і ў трэцяй дваццаціхвілінцы своечасова закінутыя шайбы дазволілі давесці нам матч да перамогі”.
“Нёман”, абыграўшы “Гомель”, часова становіцца першым. Але не варта забываць, што ў “Юнацтва” матч яшчэ наперадзе.
Здымкі hcgomel.com