“Гарадзенскі каларыт” запрашае на выставу
Экспазіцыя прадставіць аўтарскія працы майстроў народнай творчасці і мастакоў аматарскага аб’яднання.
Да ўвагі наведнікаў – вырабы з лазы, саломы, кераміка. кавальства, мастацкая апрацоўка скуры, дрэва і тканіны, вышыўка, скульптура, бісерапляценне, дэкупаж, бандарства, жывапіс і графіка.
Выстава прымеркаваная да калядных святаў.
Удзельнікі “Гарадзенскага каларыту” падрыхтавалі для гарадзенцаў вершаванае запрашэнне на выставу:
Сёння ў радасці народ— зноў святкуем Новы год!
Гэты Новы год стары –прывітанне даўніны.
Повязь часу –сэнс культуры, яе дух жыве ў натуры,
Прыгажосць—яе прырода, што даруе мір і згоду.
Тчэцца ніць жыцця майстрамі – ганчарамі,кавалямі,
ткаллямі ды бандарамі, мастакамі, разьбярамі.
Захавальнікі Традыцыі, што багата таямніцамі,
Ведаюць майстроў сакрэты, увасабляюць іх у дзень гэты.
Тут—усіх талентаў раскоша: выглядаюць творы гожа.
З годнасцю здае іспыт “Гарадзенскі Каларыт” .
Запрашаем на выставу – гэта творчасці праявы,
Боскага натхнення з’явы.
З іх і святло дабра праменіць, быццам музыка струменіць.
Тут і фугі, і рапсодыі—Гарадзенская Мелодыя.
Выстава будзе працаваць да 10 лютага.