У Дзятлаўскім раёне на вуліцы замёрз мужчына

22 студзеня 2014 ТС |

Калі не вярнуўся да ночы, родныя выправіліся на пошукі.

Цела памерлага мужчыны раніцай знайшлі на вуліцы вёскі Азераны. Суседка выклікала хуткую дапамогу.

Бачных пашкоджанняў на целе памерлага няма. Прызначаная судова-медыцынская экспертыза.

Першыя выпадкі абмаражэнняў на Гарадзеншчыне зафіксаваныя 19 студзеня.

У Ваўкавыскім раёне з абмаражэннямі 1 і 2 ступеняў у шпіталь трапіў пенсіянер 1939 года нараджэння.

Абмаражэнні твару і рук 1 ступені атрымала жыхарка Дзятлаўскага раёна, якая выйшла на мароз не апрануўшыся належным чынам.

У Гродзенскі шпіталь хуткай медыцынскай дапамогі трапілі чацьвёра.

Два пацыента шпіталізаваныя з абмаражэннямі пальцаў рук, 35-гадовая гарадзенка – у рэанімацыі.