У Гродне пройдзе вялікі фестываль настольных гульняў “Игрокуб”
“Игрокуб” запрашае аматараў настольных гульняў з усёй Беларусі і блізкага замежжа сабрацца на вялікую двухдзённую гульнятэку. Удзельнікаў чакае каля 200 разнастайных настольных гульняў: ад дзіцячых і сямейных, да стратэгічных і калекцыйных. Гульнятэкі, прэзентацыі навінак, турніры, конкурс аўтарскіх распрацовак – кожны знойдзе, у што пагуляць.
“Игрокуб” гэта таксама выдатная магчымасць пагрузіцца ў мір настольных гульняў. Вялікі і разнастайны асартымент фэсту дапаможа кожнаму ўдзельніку падабраць гульню па цікавасці, апрабаваць упадабаную настолку, пагутарыць за кубкам кавы з аўтарамі і вытворцамі гульняў.
“Игрокуб” абяцае стаць традыцыйным фэстам, асноўная мэта якога развіваць і папулярызаваць настольныя гульні ў Беларусі.
Арганізатары фэсту: Крама-клуб настольных гульняў “Кубік” (Гродна) і ТАА “Играриум” (Мінск).
Арганізатары “Игрокуба” запрашаюць прыняць удзел у фэсце:
– фірмы і індывідуальных вытворцаў настольных гульняў для дэманстрацыі сваіх тавараў;
– клубы настольных гульняў, якія знаходзяцца на тэрыторыі Беларусі;
– аўтараў гульняў і блогераў;
– маладых пачаткоўцаў аўтараў настольных гульняў: у рамках фэсту пройдзе Стартап – гэта добрая магчымасць заявіць пра сябе і свой праект (час падачы заявак з 15 верасня па 15 кастрычніка);
– СМІ, тэлебачанне, інтэрнэт-рэсурсы ў якасці інфармацыйных партнёраў;
– зацікаўленыя прадпрыемствы, фірмы ў якасці фундатараў мерапрыемства.
Час правядзення: 25-26 кастрычніка.
Месца правядзення: Гродна, РМЦ “Галактыка” (вул. Лідская, 1).
Уваход: вольны.
Ужо цяпер можна сачыць за навінамі фэсту ў супольнасці ў кантакце vk.com/igrokub2014, а зусім хутка пачне сваю працу сайт фэсту igrokub.by.
Па ўсіх пытаннях можна звяртацца:
Тэл. +375 29 258-65-54
email: kramakubik@gmail.com