“Нёман”: мацней за “Юнацтва”, слабей за “Металург”

|

Гарадзенскія хакеісты чаргуюць перамогі з паразамі і губляюць магчымасць узняцца на трэцяе месца ў турнірнай табліцы.


16 лютага “Нёман” у Гродна прымаў мiнскае “Юнацтва ” і ўпэўнена абыграў сталічную каманду з лікам 3:1.

 

У складзе гарадзенцаў дублем вызначыўся Ягор Сцяпанаў. Яшчэ адну шайбу закінуў Даніэль Сэман. У “Юнацтва” вызначыўся Якуб Чэрны. 

Такiм чынам “Нёман” падабраўся ў турнірнай табліцы да “Юнацтва”. Дзейснаму чэмпіёну Беларусі не хапала да трэцяга радка 6 ачкоў і перамогі ў бліжэйшых матчах чэмпіянату пакідалі шанс дагнаць сталічную каманду.

 

Але ў чацвер 19 лютага “Нёман” саступіў жлобінскаму “Металургу з лікам 3:1.

 

У складзе нашай каманды вызначыўся Ілля Назарэвiч.

 

 

Пасля двух важных гульняў Васіль Спірыдонаў даў каментар:

 

– Плэй-оф будзе вельмі гарачым. Адназначна. “Нёман” і “Металург” дзве роўныя каманды, і толькі розыгрыш Кубка прэзідэнта пакажа іх канчатковую сілу.

 

– У сезоне “Нёман” абыграў “Металург” пяць разоў і саступіў толькі двойчы. Ці робіць дадзены факт фаварытам вашу каманду?

 

– Плэй-оф ураўноўвае ўсіх. Фаварыта назваць нельга. Тут любыя дэталі і дробязі будуць мець значэнне.

 

На лёд выйдуць дзве роўныя каманды, і ўсё пачнецца з нуля. Хто ў каго выйграў у гладкім чэмпіянаце, як гэта зрабіў, за кошт чаго – усё роўна. Усё вырашыцца ў плэй-оф.

 

22 лютага ХК “Нёман” правядзе ў канферэнц-зале лядовага палаца спорту (вул. Камунальная 3а) традыцыйную сустрэчу клуба з заўзятарамі. Пачатак сустрэчы запланаваны на 18:00.

 

Да пачатку плэй-оф засталіся дзьве гульні: 21 лютага ў гасцёх супраць “Дынама Маладзечна” і 23 лютага на сваім лёдзе супраць “Шахцёра”.