Сцебурака і Бартосік будуць гасцямі гарадзенскай “Мовы Нанова”

|

Вядомыя беларускія літаратар і бард сустрэнуцца з наведвальнікамі курсаў беларускай мовы 16 сакавіка.


Тэмай чарговых заняткаў гарадзенскай “Мовы Нанова” будзе “Пісьменства”.

 

Усевалад Сцебурака нарадзіўся у Жлобіне ў 1981 г.

 

Пачаў друкавацца ў 1999 г. на старонках “Нашай нівы”.

 

Яго паэзія і проза друкаваліся у “ЛіМе”, часопісах “Куфэрак Віленшчыны”, “Дзеяслоў”, іншых выданнях.

 

Лаўрэат прэміі “Залаты апостраф” часопіса “Дзеяслоў” у намінацыі “Лепшы дэбют” (2004 г.).

Бард і пісьменнік Зміцер Бартосік нарадзіўся ў 1969 г. у Рыбінску (Расія). Пазней сям’я пераехала ў Гомель, зараз жыве ў Мінску.

 

Сам пра сябе кажа, што вырас на песнях Высоцкага і Акуджавы. У 2002 годзе выдаў кнігу апавяданняў з уласнага жыцця «Чорны пісталет». 

 

Заняткі курсаў “Мова Нанова Гародня” праходзяць кожны панядзелак а 19-й гадзіне па адрасе вул. Будзёнага, 48а-63. Уваход вольны.