Гурт “Rokash” будзе госцем гарадзенскай “Мовы Нанова”
У госці да наведвальнікаў “Мовы Нанова Гародня” прыйдзе таксама вядомы гарадзенскі выдавец і калекцыянер Аляксандр Рыжы – актыўны шукальнік страчаных багаццяў.
Ён прынясе з сабою незвычайныя старажытныя рэчы і распавядзе, як карыстацца металашукальнікам.
Удзельнікі заняткаў даведаюцца таксама, што калекцыянуюць людзі з розных частак свету і што збіраюць вядомыя беларусы.
Арганізатары курсаў заклікаюць гарадзенцаў прыносіць на заняткі таксама часткі сваіх калекцый.
Заняткі па тэме “Калекцыянаванне” з удзелам Аляксандра Рыжага і гурта “Rokash” пачнуцца а 19-й гадзіне 20 красавіка ў памяшканні №100 ва ўнутраным дворыку будынка па адрасе вул. Будзёнага, 48а-100.