Дзе ў Гродне пагуляць у настолкі? Гульні на любы густ і ўзрост

Дзе ў Гродне пагуляць у настолкі? Гульні на любы густ і ўзрост

Настольныя гульні гэта цяпер не толькі даміно і шашкі. Для дарослых таксама знойдуцца гульні на любы густ, а мы падкажам месца. 

 

Антыкафэ “Жывы час”

 

Настольныя гульні – гэта адзін з варыянтаў баўлення часу, які прапануе антыкафэ. Гульні ёсць як для дзяцей, так і для дарослых. У антыкафэ кажуць, што гуляць кампаніі прыходзяць не так часта – а калі прыходзяць, выбіраюць гульні з няцяжкімі правіламі. У дарослых у прыярытэце Alias, мафія і “Манчкін”. Дзецям у антыкафэ прапануюць “Сырные мышки”, “Черепашьи бега” и “Баланс”. Дарэчы, аматары пагуляць у мафію збіраюцца тут раз ці два на тыдзень. Уладальніца “Жывога часу” Кацярына Забеліна цікавіцца мастацтвам, таму яшчэ тут можна знайсці арт-лато. А таксама – пакуль што ўнікальную для Гродна гульню “Secret Box”, пра якую хутка асобна раскажа “Твой стыль”.

 

Нават калі ў антыкафэ праходзіць мерарыемства, кампанія з шасці чалавек зможа заняць маленькую залу.

 

Кошт: па тарыфу антыкафэ. Гадзіна – 30 тыс. Можна ўзяць безліміт на вечар – 50 тыс.

 

Дзе знаходзіцца: вул. Карла Маркса, 13.

 

Дадатковыя плюсы: у кошт уключаюцца пячэнькі, кава, гарбата і wi-fi.

“Крама Ц”

Ужо паўгода першая крама-клуб настольных гульняў “Кубік” месціцца ў прасторы “Крамы Ц”. “Кубік” застаецца самым вядомым месцам, дзе можна набыць настолькі і пагуляць у іх. На вялізным стэлажы вы знойдзеце самыя разнастайныя гульні розных памераў са, здаецца, усімі магчымымі дапаўненнямі. Карыстаюцца папулярнасцю “Ёрш”, “Эвалюцыя” і “Квіток на цягнік”. Таксама можна пацягаць драўляныя галаваломкі ад крамы “33 камода”. У адрозненні ад антыкафэ, аматары гульняў гатовыя вытрачаць час на вялізныя кнігі правіл. Да таго ж, “Кубік” па чацвяргах ладзіць гульнятэкі, дзе знаёміць з навінкамі. Навінкі і гульні па матывах кіно і камп’ютарных гульняў з’яўляюцца ў краме рэгулярна.  Што самае прыемнае – гульні можна ўзяць дамоў, заключыўшы простую дамову.

 

Кошт: 30 тыс. – пагуляць у “Краме Ц”, 65 тыс. – арэндаваць на два дні

 

Дзе знаходзіцца: вул. Вялікая Траецкая, 16

 

Дадатковыя плюсы: у “Краме Ц” можна купіць газаваныя напоі, а таксама гарбату і каву на любы густ. Да кавы вам прапануюць сіроп, ванільны цукар і карыцу.

7 align=”” width=”725″ height=”483″ >

6 align=”” width=”725″ height=”483″ >

5 align=”” width=”725″ height=”483″ >

4 align=”” width=”725″ height=”483″ >

3 align=”” width=”725″ height=”483″ >

2 align=”” width=”725″ height=”483″ >

Клуб настольных гульняў “Партал”

Стваральнікі клуба праводзяць гульнятэкі для дзетак у цэнтры творчасці “Спектр”. А таксама – штопятніцы праводзяць начныя гульнятэкі з 20.00 да 05.00. У клубе можна знайсці гульні на любы густ, а пастаянныя наведвальнікі ўжо сталі добрымі сябрамі. Летам яны ходзяць у лясныя паходы з настолкамі, адзначаюць разам Новы год, а таксама праводзяць тэматычныя гульнятэкі – напрыклад, на Хэлоўін. Час ад часу можна трапіць на турніры па пэўных гульнях і выйграць прызы – арганізатары ўжо правялі турніры па Alias, Bang, Dixit і Game of Thrones. Перад турнірамі праводзяць некалькі папярэдніх гульнятэк, якія знаёмяць гульцоў з правіламі.

 

Кошт:  50 тыс. (начная гульнятэка)

 

Дзе знаходзіцца: вул. Савецкіх Пагранічнікаў, 96

 

Дадатковыя плюсы: безлімітныя пячэнькі і кава-гарбата, а часам – бутэрброды з каўбасой.

 

 

Кафэ “Піплз”

Часам настольныя гульні з’яўляюцца ў барах ды кафэ, каб наведвальнікі весялей бавілі час. У кафэ мы знайшлі вежу “Джэнга”, гульні “Ёрш”, Uno і класічнае даміно. Дзяўчына за стойкай распавяла, што папулярнасцю карыстаецца джэнга. Гульню “Ёрш” бяруць неахвотна – што цікава, бо яна створана адмыслова да застолляў.

 

Кошт: 50 тыс. за гульню  

 

Дзе: вул. Пушкіна, 29А

 

Дадатковыя плюсы: у кафэ можна паесці, выпіць піва і паглядзець футбол з іншымі заўзятарамі 

 

Бар “Амігас”

Да закрыцця ў “Амігасе” былі разнастайныя гульні. Картачныя і нават “Барабашка” (гульня на рэакцыю) так і не прыжыліся. Затое карысталіся папулярнасцю гульні на баланс – джэнга (вежа) і гульня “Не разгойдвай лодку”, дзе фішкі-пінгвіны трэба садзіць на карабель, які гойдаецца. Але падчас закрыцця фішкі пагубіліся, а адну гульню – вежу-пазл – скралі наведвальнікі. У бары цэлай засталася толькі джэнга, але гаспадары “Амігаса” плануюць папоўніць калекцыю.

 

Кошт: бясплатна

 

Месцазнаходжанне: вул. Стэфана Баторыя, 8Б

 

Дадатковыя плюсы: “Амігас” распрацоўвае новае меню – у ім будуюць паўнавартасныя абеды

 

Кафэ-клуб “Чемпи”

 

Толькі ў мінулым месяцы ў кафэ з’явіліся дзве настольныя гульні – Mistakos (гульня на баланс) і “Барабашка”. Пакуль яны не надта карыстаюцца папулярнасцю.

 

Кошт: бясплатна

 

Месцазнаходжанне: вул. Антонава, 29

 

Дадатковыя плюсы: на выходных у бары ладзяць вечары жывой музыкі, уваход вольны

9 align=”” alt=”Настольные игры в Гродно бары Кубик Антикафе Живое время” width=”725″ height=”483″ >