Першы гарадзенскі квэст-рум, пахаванне лістоты і новае месца для закупаў: топ навін мінулага тыдня

Вяселле пастара – унікальная з’ява для Гродна, бо яно першае за больш чым 200-гадовую гісторыю лютэранскага храма. Ад 1793 года, калі ў мясцовых лютэран з’явілася першая кірха, святары прыязджалі сюды ўжо сямейнымі людзьмі. З таго часу ў Гродне служылі восем пастараў. Уладзімір Татарнікаў дзявяты ў пераліку і першы, хто будзе вянчацца ў кірсе, дзе ён сам служыць.

Цягнік “Экспрэс ААН”, арганізаваны да 70-гадовага юбілею заснавання арганізацыі, адправіўся ў сямідзённае падарожжа па абласных цэнтрах Беларусі. Першы прыпынак – у Гродне. Увечары 23 кастрычніка, адразу па прыбыцці цягніка, прадстаўнікі мясцовых уладаў падпісалі на вакзале Дэкларацыю прыхільнасці рэгіёну Мэтам ўстойлівага развіцця.

У межах цыклу пра цікавыя новыя месцы ў горадзе мы завіталі ў крыху змрочнае сутарэнне, дзе кожны можа перажыць захапляльную гісторыю – у першым у Гродне квэст-руме Quester.

Спадзяемся, што вам ніколі не спатрэбіцца гэта пакрокавая інструкцыя, але, як кажуць, навуку за плячыма не носяць. Мы сабралі адрасы і тэлефоны стаянак, а таксама цэны на паслугі эвакуатара.

Валанцёры часовага пункта ўтрымання жывёл звяртаюцца да жыхароў горада за дапамогай. Гэтым разам запрашаюць тых, хто гатовы дапамагаць у даглядзе катоў.

Апалае лісце цешыць рамантыкаў і стварае шмат дадатковай працы дворнікам. Для многіх яно становіцца яшчэ і нагодай задаць пытанне: навошта прыбіраецца і куды знікае лістота?

У Гродне падрастае чарговае пакаленне, якому ані разу не давялося пабываць унутры дома Мураўёва на Савецкай плошчы. Усіх вабіць прыгожы будынак, але якi ён унутры амаль ніхто не ведае. “Твой стыль” патрапіў ва ўнутраны дворык дома і ўбачыў, што хаваецца за адноўленым фасадам.

Чатыры паверхі гандлю, забаваў і паслуг, фітнэс-клуб, кінатэатр і падземная паркоўка. Гэта толькі частка таго, што можа прапанаваць новы гандлёва-забаўляльны цэнтр Galeria Jurowiecka, пабудаваны ў самым цэнтры Беластока. Ужо ў час будаўніцтва гаспадары разлічвалі на будучых пакупнікаў у тым ліку і з Беларусі.

У Беластоку пабываў ці не кожны гарадзенец. Многія упэўнена могуць знайсці ў горадзе асноўныя гандлёвыя цэнтры і патрэбныя вуліцы. А вось што ведаюць палякі аб суседнім Гродне і пра Беларусь у цэлым? Ці чулі яны пра меркаваную расійскую ваенную базу і пра будаўніцтва АЭС у Астраўцы? Карэспандэнт “Твайго стылю” запытаўся ў жыхароў Беластока.

На мінулым тыдні на фота гарадзенцаў восень каляровая пачала ўжо паціху саступаць пазіцыю восені шэрай і маркотнай. Аднак у падборцы традыцыйна захаваліся коцікі і сабачкі, а таксама мы знайшлі адну “Пагоню”. Хочаце патрапіць у рубрыку? Пазначайце вашыя здымкі хэштэгам #hrodnats і станавіцеся нашымі сталымі суаўтарамі!

Мала хто ведае, што дзевяціпавярховая махіна аблвыканакама – гэта два будынкі, прыбудаваныя адзін на другога ў 1980 годзе, а яшчэ з канцы 70-х побач стаяў старадаўні 200-гадовы дом.

align=”” alt=”сталінкі, сталинки Гродно, архитектура” width=”725″ height=”472″ >
Працягваем цыкл артыкулаў пра пасляваенную гарадзенскую архітэктуру. Гэтым разам падрабязней спынімся на адным з элементаў “сталінскага ампіру”, які даволі часта сустракаецца ў горадзе.

Увечары 24 кастрычніка, у дзень 70 гадавіны заснавання ААН, знакавыя будынкі і манументы ва ўсім свеце падсвяцілі блакітным колерам, які выкарыстоўвае Арганізацыя Аб’яданых Нацый. Да акцыі далучыліся і абласныя цэнтры Беларусі. Гэтак, у Мінску падсвяцілі Нацыянальную бібліятэку, а ў Гродне – Драматычны тэатр.