На Гарадзеншчыне закрыюцца некаторыя “Дабраномы”. На іх месцы будуць “Еўраопты”

|

Пастаўшчыкі прадукцыі 18 лістапада атрымалі ад “Дабранома” ліст аб тым, што па ўсёй краіне закрыецца больш за 50 крамаў гэтай сеткі. З іх адна крама ў Гродне і дзевяць у вобласці. Па інфармацыі сайта volkovysk.by, на іх месцы могуць адкрыцца “Еўраопты”.


У Гродне закрыецца адзін самы стары “Дабраном” па вул. Дамброўскага, 47. Ён перастане працаваць 21 лістапада.

 

 

У сакавіку 2015 “Дабраном” стаў адной з самых буйных сетак Беларусі, пасля таго, як да яго далучылі крамы “Родной стороны”, якая была не ў стане плаціць пастаўшчыкам. З таго часу ходзяць чуткі, што канчатковыя ўладальнікі “Еўраопта” і “Дабранома” – адны і тыя ж людзі.

 

Фота з архіву ТС