Вакол Гродна пабудуюць новую кальцавую дарогу
Пра гэта падчас прамой тэлефоннай лініі з жыхарамі вобласці распавёў намеснік старшыні Гродзенскага аблвыканкама Уладзімір Дзяшко, перадае БЕЛТА.
Гродна будзе пашырацца ў паўночным і паўднёвым кірунках, адзначыў Уладзімір Дзяшко, адказваючы на пытанне аб развіцці горада. На поўдні абласнога цэнтра прадоўжыцца будаўніцтва жылля ў спальным раёне Альшанка: у перспектыве тут будуць жыць каля 75 тыс. гродзенцаў. На працягу 2016-2017 гадоў плануецца пачаць забудову і раёна Грандзічы на 65 тыс. жыхароў на поўначы Гродна.
“Звязаць гэтыя два раёны павінна новая дарога, якая ў перспектыве стане гарадской кальцавой магістраллю. На першым этапе вуліца Паўднёвая будзе працягнутая да трасы М6, прычым, аўтамабільным стане стары чыгуначны мост праз Нёман”, – паведаміў Уладзімір Дзяшко.
У перспектыве на паўночным захадзе Гродна будзе пабудаваны яшчэ адзін аўтамабільны мост праз Нёман. Ён не толькі дазволіць разгрузіць гарадскія вуліцы, але і скароціць прабегі транспарту гродзенскага камбіната будаўнічых матэрыялаў. Сёння шлях да сыравіннай базы, якая размяшчаецца за Нёманам, складае каля 30 км, новы мост скароціць гэтую адлегласць у некалькі разоў.