Гучалі як вясёлыя мелодыі, пад якія ўся зала пляскала ў далоні ў такт, так і шчымліва-сумныя, напрыклад, калядка, якую некалі спявалі сасланыя ў Сібір палякі.
Ян Паспяшальскі некалькі разоў звяртаўся да перапоўненай залы (месцаў для сядзення ўсім не хапіла). Музыка адзначыў, што рады выступаць у рэгіёне, дзе польская меншасць захавала сваю мову і традыцыі, а таксама адзначыў, што калядны цыкл тут дагэтуль не скончаны, дзякуючы праваслаўнай традыцыі адзначаць Раство пазней за каталікоў.
…
Аркестр Паспяшальскіх складаецца з 14 музыкаў. Гэта два пакаленні адной сям’і, якіх можна лічыць ці не самымі вядомымі выканаўцамі калядак у Польшчы. Лідар калектыву Ян Паспяшальскі – кампазітар, музыка ды публіцыст, які регулярна ладзіць “Музычную майстэрню” ў беларускім Івянцы.
Сёлета ў Беларусі Паспяшалскія маюць выступы толькі ў Гродне ды Мінску. Канцэрт у сталіцы Беларусі адбудзецца 15 студзеня ў 19.30 у архікатэдральным касцёле Імя Найсвяцейшай Панны Марыі (пл. Свабоды, 9).
