Непаўнагадовы расіянін спрабаваў нелегальна патрапіць у Літву да каханай дзяўчыны

|

17-гадовы хлопец з Новасібірскай вобласці 18 студзеня спрабаваў прабрацца праз беларуска-літоўскую мяжу. Пра яго паведамілі смаргонскім пагранічнікам мясцовыя жыхары.


Пагранічны нарад, які адправіўся праверыць інфармацыю пра невядомага, што накіроўваеццца ў бок мяжы, затрымаў хлопца ў трох кіламетрах ад мяжы ў раёне вёскі Куляшы Ашмянскага раёна. Хлопец расказаў, што накіроўваецца ў Літву да дзяўчыны.

 

Малады чалавек аформлены парушальнікам дзяржаўнай мяжы і ўтрымліваецца ў ізалятары часовага ўтрымання Смаргонскай памежнай групы, паведамілі ў прэс-службе Дзяржпагранкамітэту.