Тры аўтамабілі пашкоджаны, адзін чалавек загінуў у выніку аварыі на дарозе Гродна -Азёры
Аварыйную сітуацыю стварыў мікрааўтобус Ford, што выехаў на паласу сустрэчнага руху. Кіроўцу Rover, які ехаў па сваёй паласе насустрач, удалося пазбегнуць сутыкнення з ім. У выніку Ford з’ехаў у кувет і перакуліўся. Яго кіроўца не пацярпеў.
Але Rover, апынуўшыся ў выніку манеўра на сустрэчнай паласе, сутыкнуўся з мікрааўтобусам Volkswagen, што рухаўся ўслед за Ford. Пасля сутыкнення з Rover мікрааўтобус развярнула правым бокам упоперак дарогі, а легкавы аўтамабіль быў адкінуты ў кувет і ўспламяніўся.
Вадзіцелю ўдалося самастойна пакінуць машыну, але яе салон выгараў цалкам.
Кіроўца Volkswagen шпіталізаваны, яго пасажырка па дарозе ў шпіталь памерла.
