Ля Скідзеля лоб у лоб сутыкнуліся Audi і МАЗ, а побач перавярнуўся трактар
Трактар і МАЗ выконвалі сустрэчны раз’езд, калі ў левы бок трактара ўдарыў сустрэчны легкавы аўтамабіль. Ад удара трактар перавярнула. Грузавік, у які потым ударыла Audi, выпхнуў легкавушку на абочыну і літаральна змяў яе перад ушчэнт.
Кіроўца Audi трапіў у шпіталь. Раней ён 93 разы парушаў правілы дарожнага руху, за чатыры факты перавышэння хуткасці яго пазбаўлялі правоў.
Прычыны і абставіны здарэння высвятляюцца.