“АЛМІ” накарміў гарадзенцаў “бясплатнымі” масленічнымі блінамі

|

У Гродне працягваюць святкаваць Масленіцу. На гэты раз блінамі парадаваў гіпермаркет “АЛМІ”. Кожны жадаючы мог на паркоўцы ля крамы пакаштаваць бліны за сімвалічную суму. Усе выручаныя на акцыі грошы пойдуць на дапамогу хворым дзецям.


Не ўсе гарадзенцы зразумелі мэту акцыі і проста частаваліся “бясплатнымі” блінамі, якіх было вельмі шмат.

 

 

Гэта наша першая такая дабрачынная акцыя, мы вырашылі яе звязаць з Масленіцай. Ад людзей не патрабавалася вялікіх сум за бліны, давалі хто колькі мог. Усе грошы у бліжэйшы час перадамо якой-небудзь сям’м, дзе ёсць хворае дзіця. Таксама мы хочам паказаць, што “АЛМІ” не толькі зарабляе грошы, але і займаецца ў тым ліку дабрачыннасцю“, – распавяла маркетолаг “АЛМІ” Вольга Касiла.

 

 

У будучыні фірма плануе праводзіць больш акцый, накіраваных на дапамогу цяжкахворым дзецям.