“Фэст экскурсаводаў 2016”: якія экскурсіі чакаюць у выходныя ў Гродне і вобласці

“Фэст экскурсаводаў 2016”: якія экскурсіі чакаюць у выходныя ў Гродне і вобласці

23-24 красавіка 2016 па ўсёй Беларусі пройдзе каля 200 бясплатных экскурсій у рамках штогадовага рэспубліканскага фестывалю “Фэст Экскурсаводаў 2016”. Толькі ў Мінску падчас фестывалю адбудзецца не менш за 100 бясплатных экскурсій.

 

У Аргкамітэт фестывалю ўваходзяць: Грамадская арганізацыя “Беларускі камітэт ICOMOS”, Спецыялізаваны анлайн-праект па экскурсіях і гідах Беларусі Guides.by

 

У 2016 годзе фестываль падтрымлівае Міністэрства спорту і турызму Беларусі.

 

Праз бясплатныя экскурсіі арганізатары прыцягваюць мясцовых жыхароў да гісторыі тых месцаў, каля якіх яны жывуць. Фестываль таксама мае і глабальную мэту – актывізацыю “творчай жылкі” экскурсійнай справы ў Беларусі.

 

Фэст экскурсаводаў і гідаў у Беларусі будзе, як і ў мінулыя гады, прымеркаваны да Міжнароднага дня помнікаў і гістарычных мясцін.

 

Гродзенскую вобласць на гэтым фестывалі будуць прадстаўляць экскурсаводы з Гродна, Ліды, Міра і Росі.

 

Расклад экскурсій па Гродна і вобласці:

 

Гродна, 23 красавіка (субота)

 

10.00 – “Экскурсія па музеі праса”. Месца збору: вул. Савецкая 7-23 (уваход са двара на 2-м паверсе). Праводзіць экскурсію: супрацоўнік Музея

12.00 – “Абарончыя ўмацаванні Гародні часоў Паўночнай вайны”. Месца збору: уваход у Стары Замак. Праводзіць экскурсію: Мечыслаў Супрон

14.00 – “Экскурсія ва ўніяцкую парафію”. Месца збору: вул. Гараднічанская 32

 

Гродна, 24 красавіка (нядзеля)

 

10.00 – “Экскурсія па музеі праса”. Месца збору: вул.Савецкая 7-23 (уваход са двара на 2-м паверсе). Праводзіць экскурсію: супрацоўнік Музея

11.00 – “Шпацыр па вуліцы Раскоша”. Месца збору: помнік Э. Ажэшкі, праводзіць экскурсію: Святлана Словік

12.00 – “Cтарыя Гарадзенскія могілкі”. Месца збору: уваход на могілкі па вул.Антонова. Праводзіць экскурсію: Андрэй Вашкевіч

12.00 – “Падземныя і надземныя хады горада Гродна”. Месца збору: мост на вул.Дарвіна, над помнікам Гарнавых. Праводзіць экскурсію: Ігар Лапеха

13.00 – “Нiжняя Царква помнiк Гарадзенскай архiтэктурнай школы”. Месца збору: унутраны дворык Старога замка. Праводзіць экскурсію: Кацярына Галота

14.00 – “Гарадзенскі Новы свет”. Месца збору: побач з кірхай, вул.Акадэмічная. Праводзіць экскурсію: Таццяна Касатая

 

Гродзенская вобласць: Ліда 23 красавіка (субота)

 

11.00 – “Вялікая Ліда”. Месца збору: будынак раённага суда (вул.Перамогі, 34). Праводзіць экскурсію: Барыс Алена

13.00 – “Аглядная экскурсія па Лідскаму замку”. Месца збору: уваход у замак. Праводзіць экскурсію: супрацоўнік Лідскага музея

16.00 – “Шпацыр па гораду: Помнікі дойлідства зямлі Лідскай”. Месца збору: уваход у замак. Праводзіць экскурсію: супрацоўнік Лідскага музея

 

Ліда, 24 красавіка (нядзеля)

 

14.00 – “Не стой под стрелой – экскурсия по мини выставке арбалетного дела”. Месца збору: вул. Марозова 17а, кабинет 2-1 (другі паверх). Праводзіць экскурсію: Іода Мікалай Віктаравіч

 

Мір, 23 красавіка (субота)

 

12.00 – “Архітэктурныя і гістарычныя помнікі Міра”. Месца збору: поруч вала, уваход у замак. Праводзіць экскурсію: Юрый Краскоўскі

 

Рось, Ваўкавыскі раён, 24 красавіка (нядзеля)

 

15.00 – “Выдатная спадчына мястэчка Рось”. Месца збору: сквер 40-годдзя Перамогі. Праводзіць экскурсію: Жанна Голубева

 

Убачымся на фэсце!