Мужчына, які ледзь не памёр на пешаходным пераходзе, знаходзіцца ў цяжкім стане ў шпіталі

|

Стан гарадзенца, якому ўвечары 18 красавіка стала кепска на скрыжаванні БЛК і праспекта Будаўнікоў, ацэньваецца як цяжкі. Пачаткова мужчыну палічылі мёртвым, але пасля яго ўдалося рэанімаваць. Пакуль невядома, як гэта адаб’ецца на мозгу, бо чалавек перанёс клінічную смерць, а гэта азначае змярцвенне тканак мозгу.


Што здарылася і чаму чалавек знепрытомнеў, пакуль невядома. Даведацца можна будзе толькі пасля поўнага абследавання. Зараз за жыццё мужчыны, які знаходзіцца ў кардыёдыспансеры, змагаюцца медыкі.