На ХІ Фестывалі нацыянальных культур у Гродне свае падворкі адкрыюць пяць новых дыяспар

|

“Мы вырашылі не пераносіць фестываль на пазнейшыя тэрміны, бо далей ідуць іншыя мерапрыемствы, якія былі загадзя запланаваны. Мы не адмовіліся ад ніводнай падзеі, адбыліся толькі невялікія змены ў часе ў некаторых выступах і канцэртах”, – распавёў начальнік галоўнага ўпраўлення культуры, ідэалагічнай работы і па справах моладзі Гродзенскага аблвыканкама Аляксандр Вярсоцкi.

 

Распачнецца свята ў суботу, 4 чэрвеня, у 11.00 традыцыйным шэсцем удзельнікаў з плошчы Леніна на плошчу Савецкую. Падворкi нацыянальнасцей, што ўдзельнічаюць у фестывалі, запрацуюць ужо з 12.00.

 

Калі два гады таму  

Гэтым разам на фестывалі будуць прадстаўнікі пяці новых краін: Чачні, ЗША, Нігерыі, Сірыі і Шры-Ланкі. Усе яны арганізуюць свае падворкi, дзе можна будзе пазнаёміцца з іх культурамі. Арганізатары фестывалю плануюць прадставіць Гродна ў выглядзе своеасаблівай маленькай планеты, дзе ў кожнай нацыянальнасці будзе свой дом-падворак.

 

Вядома, што на фестывалі будзе шмат музыкі. 5 чэрвеня раніцай выступіць ансамль “Бяседа”, вечарам жа выступяць сапраўдныя зоркі. Спіс яшчэ не агалошваецца, бо дагэтуль вядуцца перамовы. На закрыцці, увечары 5 чэрвеня, хэдлайнерамі будуць Pawa і J-МОРС.