Свая лавачка закаханых з’явілася ў Кастрычніцкім раёне Гродна
Усталявалі арт-аб’екты спецыяльна да вясельнага сезона. Аўтарам прац – каваль УЖРЭП Кастрычніцкага раёна Канстанцін Шайко. Майстру для стварэння кампазіцыі спатрэбілася больш за дзвесце кілаграмаў металу і тры месяцы карпатлівай працы.
У ЗАГСе расказалі, што маладыя пасля шлюбу заўсёды шукалі якое-небудзь прыгожае месца, каб сфатаграфавацца. Цяпер такое месца ёсць.
Дзяніс і Аліса 24 чэрвеня распісаліся і былі вельмі здзіўленыя новай фотазонай.
“Такія месцы патрэбныя не толькі ў цэнтры Гродна. Для закаханых гэта асаблівае месца, нават адчуваецца незвычайная аўра. Мы не прайшлі міма, сфатаграфаваліся ў такi значны дзень у жыцці”, – сказалі маладыя.
На дрэве пары могуць завязваць свае стужкі.
