На Гарадзеншчыне павялічылася колькасць захварэўшых пасля ўкусу кляшчоў
Гэтаму спрыяюць павелічэнне перыяду актыўнасці кляшчоў у прыродзе, паўсюднае пацяпленне клімату, інтэнсіўная ўрбанізацыя, павелічэнне колькасці пракарміцялаў кляшчоў (пацукоў, мышэй), цыклічныя працэсы ў дынаміцы колькасці кляшчоў.
На наяўнасць узбуджальнікаў хваробы Лайма даследавана 523 кляшча, знятых з пацярпелых, што на 30% ніжэй за ўзровень мінулага года. Заражаных барэліямі – 27,5%. За аналагічны перыяд 2015 года бактэрыяфорнасць склала 26,1%. Даследаванні кляшчоў праводзіліся на базах Гродзенскага абласнога ЦГЭГЗ і Лідскага занальнага ЦГЭ.
Правілы прафілактыкі ўкусу кляшча
Пры паходзе ў лес надавайце ўвагу адпаведнай экіпіроўцы – адзенне павінна быць светлых тонаў і максімальна закрываць скуру, абавязкова апранайце галаўны ўбор.
Сцеражыцеся хаджэння па высокай траве, пры перамяшчэнні ў лесе старайцеся трымацца сярэдзіны сцяжынак.
Карыстайцеся рэпелентамі ад кляшчоў у адпаведнасці з інструкцыяй па ўжыванні.
Падчас шпацыраў часта праводзьце сама- і ўзаемаагляды з мэтай ранняга выяўлення і выдалення кляшчоў.
Не прыносьце з лесу кветкі, лісце, галінкі, шышкі – з імі вы можаце занесці кляшча.
Аглядайце сваіх хатніх гадаванцаў на наяўнасць кляшчоў і своечасова выдаляйце прысмактаўшыхся. Па магчымасці апрацоўвайце сабак і катоў адмысловымі ветэрынарнымі сродкамі, якія адпужваюць кляшчоў (спрэі, кроплі, нашыйнікі, таблеткі).
Варта заўважыць, што клешчавым энцэфалітам можна заразіцца нават калі ў вас не было ўкусу кляшча – пры ўжыванні сырога казінага малака.
Што рабіць, калі вас укусіў клешч?
Кляшча неабходна як мага хутчэй выдаліць. Варта звярнуцца ў хірургічны кабінет паліклінікі па месцы жыхарства, траўмапункт, прыёмнае аддзяленне раённай бальніцы. Чым хутчэй выдалены клешч, тым менш верагоднасць захварэць на клешчавы энцэфаліт і хваробу Лайма. Калі няма магчымасці гэта зрабіць, то выдаліце кляшча самастойна. Недапушчальна выкарыстоўваць раслінны алей, тлустыя крэмы – гэта павышае верагоднасць заражэння інфекцыямі.
Для выдалення кляшча неабходна выкарыстоўваць нітку (яе можна звязаць у пятлю, надзець на кляшча і, разгойдваючы рухамі, акуратна выцягнуць яго) або распаленую іголку (клешча паддзяваем і дастаем як стрэмку). Ранку пасля выдалення кляшча неабходна апрацаваць ёдам. Пры выпадковым раздушванні кляшча неабходна неадкладна вымыць рукі з мылам.
Адразу ж пасля выдалення кляшча неабходна звярнуцца да ўчастковага тэрапеўта або лекара-інфекцыяніста ў паліклініку па месцы жыхарства для вырашэння пытання аб правядзенні прафілактычнага лячэння і ўстанаўлення медыцынскага назірання.
Кляшча можна даследаваць на наяўнасць у ім узбуджальнікаў інфекцыйных захворванняў. Даследаванне кляшча не з’яўляецца заменай прафілактычнага лячэння.
Прыём кляшчоў для даследавання на наяўнасць узбуджальнікаў клешчавых інфекцый ажыццяўляецца ў:
1. Дзяржаўнай установе “Гродзенскі занальны цэнтр гігіены і эпідэміялогіі” па адрасе: г. Гродна, пр-т Касманаўтаў, 54а (з 8.30 да 16.00 – панядзелак-пятніца);
2. УАЗ “Гродзенская абласная інфекцыйная клінічная бальніца” па адрасе: г. Гродна, вул. БЛК, 57 (прыёмнае аддзяленне, з 8.00 да 15.30 – панядзелак-пятніца);
3. Дзяржаўнай установе “Лідскі занальны цэнтр гігіены і эпідэміялогіі” па адрасе: г. Ліда, вул. Чарняхоўскага, 1 (з 8.30 да 16.00 – панядзелак-пятніца).
Увага! Паслугі платныя!